пред 3 години Граѓаните со блокирани сметки кои добиле државна помош од 6000 денари, до петок треба да ги ажурираат податоците во банките и да си ги подигнат парите. За нив банките отвораат посебни, наменски сметки.
„Лицата со блокирани сметки ќе можат да ја подигнат финансиската помош преку која било експозитура од филијалите на банката најдоцна до петок,25.12.2020 година. Во спротивно нема да можат да ги користат. Банката не ги ослободува овие средства од активни или идни блокади по 25.12.2020 година“, стои во известувањата од банките.
Корисниците кои немаат сметки, а добиле парична помош, пак, најдоцна до утре треба да одат во која било филијала на банките и со важечка лична карта да отворат трансакциски сметки, најдоцна до утре, четврток 24.12.2020.
Податоците во банките треба да ги ажурираат и сите останати граѓани кои добиле парична помош за справување со последиците од пандемијата, најдоцна до утре. Од банките предупредуваат дека средствата може да ги искористат само клиентите кои ги ажурирале податоците.
Со четвртиот сет мерки за справување со последиците од коронавирусот помош од 6.000 денари ќе добијат 283.000 граѓани за што Владата одвои 27,3 милиони евра кои до крајот на неделава треба да им бидат исплатени на сите корисници.
Би можело да ве интересира
Мелничарите 25 дена блокирани од косовска страна, не можат да го извезат брашното
СДСМ: Помошта од петтиот пакет мерки стигнува до граѓаните
Димитров: Над 6000 текстилни работници во земјава на колективен одмор
Народната банка едуцира за нефункционалните кредити
Околу 6000 странски туристи ја посетиле земјава во декември лани
И во јануари ќе се исплаќа помошта од 6.000 денари на лицата со блокирани сметки
Народна банка за првпат објави податоци за годишните финансиски сметки на македонската економија
Хаос во исплатата: Лица со блокирани сметки распределени во банки кои не нудат можност парите да се подигнат
Објавен комплетниот список за финансиска помош од 6000 денари од Владата