Епидемиолошките ограничувања во Германија ќе останат и по воведувањето на вакцината

Секојдневниот живот ќе остане ограничен и по развивањето вакцина против коронавирус, објави германскиот институт „Роберт Кох“ (РКИ).

Иако ќе има барем една ефективна вакцина во 2021 година, одржувањето на далечина, хигиенските правила, носењето маска, проветрувањето и преместувањето на слободните активности на отворено ќе останат на сила уште некое време, наведува берлинскиот институт.

Германија пријави 4.122 новоинфицирани со коронавирус, а со оглед на растечкиот број, се зголемуваат повиците за единствени и лесно разбирливи правила во германскиот децентрализиран систем.

„Соочувајќи се со Ковид-19, потребни ни се привремени и регионално ограничени мерки прилагодени на ризикот во следните неколку недели и месеци“, рече Лотар Вилер, претседателот на институтот.