Црногорскиот претседател и лидер на Демократската партија на социјалистите (ДПС), Мило Ѓукановиќ кој не учествуваше, но го поддржа синоќешниот протест во Подгорица, на Твитер објави фотографија од тој митинг и порача дека Црна Гора ќе биде таму.
„Нè има, и како нè има. И таму е Црна Гора. Слободна, граѓанска, мултиетничка, независна. И ќе има Црна Гора. Европска. И ќе нè има. Секогаш кога е потребно“ – напиша Ѓукановиќ на Твитер.
Протестот во Подгорица се одржа под слоганот „Има нас“, а формални организатори беа Форум Луча, додека претставници на ДПС, СДП, СД и ЛП ги поканија граѓаните на протестот.
Ima nas, i te kako nas ima. I ima Crne Gore. Slobodne, građanske, multietničke, nezavisne. I biće Crne Gore. Evropske. I biće NAS. Kad god treba. pic.twitter.com/WAxFLukYAU
— Milo Đukanović (@predsjednik_cg) November 9, 2022