(ВИДЕО) Васев: Една недела молк од Мицкоски за скандалот ,,Кражба”

Изминува речиси една недела откако во јавноста проби скандалот „кражба“ каде со документи е потврдено дека Антонијо Милошоски бил осуден од суд во Германија. Една недела скандал „кражба“ една недела молк од Христијан Мицкоски, шефот на Милошоски – рече Стефан Васев од СДСМ на прес конференција, а во врска со случајот со пратеникот Антонијо Милошоски.

„Милошоски нема образ да излезе пред граѓаните, а Мицкоски го штити, наместо да повика на морална одговорност. Тоа е Мицкоски, поддржува пратеник кој бил осуден за кривични дела во Германија, за “кражба” и “фалсификување. Поддржува ВМРО ДПМНЕ на Мицкоски човек против кого се водат предмети пред македонските судови. Нема ниту “д” од доблест кај Мицкоски. Павда и правичност за Мицкоски се непознати. Од белиот дворец, од симболот на корупцијата и расипништвото, Мицкоски е се уште цврсто застанат на браникот на криминалот. Неговата агедна е да ги одбрани криминалците во своите редови по секоја цена“ – вели Васев.