Заев до пратениците од опозицијата: Ова е срамна непочит кон македонските граѓани

Еве ја цела апсурдност и нелогичност на блокирањето на Собранието од опозицијата. Еве го односот на Мицкоски и na дел од пратениците од опозицијата кои дејствуваат по неговите опасни насоки. Ова е срамна непочит кон македонските граѓани, напиша попладнево премиерот Зоран Заев на Фејсбук откако денеска беа објавени дел од амандманите што опозициските партии ги поднеле, а се однесуваат на измените на собранискиот деловник и можноста за он лајн гласање на пратениците заразени со Ковид-19.

Заев ги повикува пратениците од опозицијата да не посегнуваат кон загрозување на помошта за лозарите, пензионерите, самохраните родители, филмските работници, за сите граѓани.