Пукање во скопски Бутел ги вознемирило жителите, а неофицијално станува збор за престрелка во која едно лице е убиено. Убиството се случи доцна вечерва, на раскрсницата од булеварите „Босна и Херцеговина“ и „Христијан Тодоровски-Карпош“. „А1он“ дознава дека е пукано од возило во друго возило марка „голф“ во кое се превезувале две лица, а од кои едниот е убиен.
Од МВР велат дека нивните екипи се во терен и немаат детали што се случило, а по проверките ќе дадат детални информации.
„Има пријави за слушнати истрели на подрачјето на Чаир. Штом бидат направени проверките, ќе известиме“.
Во меѓувреме, се пласираа неофицијални информации дека убиено е лице кое на полицијата и е познато по претходни престрелки. Неговото име се поврзува и со пукањето во хотелот Александар Палас, во декември 2019 година. Тогаш, беше соопштено дека сега убиениот, тогаш бил таргет.
Детали за вечерашната престрелка, се најавуваат откако ќе биде направен увид.