пред 4 години Министерот за здравство Венко Филипче, вечерва изјави дека доколку мерките за заштита од Ковид-19 не дадат резултат, ќе има препорака за рестрикција во движењето.
Филипче вели дека болничките капацитети се пополнуваат и дека лекарите и сестрите се под притисок.
Министерот повтори дека Комисијата за заразни болести предложила до Владата нови рестриктивни мерки како задолжително носење маска на отворено, забрането групирање на повеќе од 4 лица по 22 часот.
„Искрено верувам дека овие мерки ќе дадат резултат. Но, доколку не дадат сигурно дека ќе има препорака за рестрикција во движење. Најпрво скратување на работните часови на одредени економски субјекти, угостителски објекти итн., но и рестрикција во движењето. Видовме какви искуства имаа некои земји кои нагло ги отворија градинките и училиштата. Затоа ние поучени од тоа, постепено ги отворивме училиштата. Но, тие земји се соочија со еден нагол скок на случаи, нагло оптеретување на болничките капацитети, како во Израел, каде мораа да воведат рестрикција во движењето. Тоа ќе следи ако имаме и понатаму зголемување на бројот на дијагностицирани случаи и дополнително оптеретување на болничките капацитети“, потенцираше Филипче.
Би можело да ве интересира
Филипче: Епидемиолошката состојба станува се посериозна, максимално да се почитуваат мерките
Да се почитуваат мерките за време на празниците, да се избегнуваат затворени простории и групирања, апелираат надлежните
Продолжени мерките за ограничување на движењето до 27 април
Најсилен бран на Ковид-19, рекорден број новозаболени, хоспитализирани и починати
Филипче: Се соочуваме со пикот, нема потреба од дополнителни рестриктивни мерки
Минатата недела намален број починати и новозаболени од Ковид-19, но дневно се уште високи бројки
Спасовски: Деведесет проценти од граѓаните ги почитуваат мерките за заштита од Ковид-19
Бројките на новозаразени се стабилизираат, мерките се ефикасни ако се почитуваат
И натаму голем број случаи на Ковид-19, се мобилизираат здравствените капацитети