пред 3 години Американскиот претседател, Џо Бајден, се очекува да ја укине одлуката на претседателот, Доналд Трамп за забрана за трансродовите лица да служат во американската армија.
Забраната на Трамп, која постојано ја исмеваа активистите на ЛГБТ заедницата и ја нарекуваа сурова и ирационална, првпат беше презентирана пред јавноста преку „Твитер“ во јули 2017 година.
Со таа одлука, Трамп го укина претходното одобрување на транссексуалци да бидат ангажирани во американската армија, што го донесе претседателот Барак Обама.
Белата куќа одби да го коментира најавениот план, но минатата недела, портпаролот во Белата куќа, Џин Псаки, објави дека новата администрација ќе ја укине забраната со извршен акт во првите денови од претседателскиот мандат на Бајден.
Додека Трамп тврдеше дека промената на полот и хормоналниот третман на трансродовите лица ќе бидат прескапи за војската, во студија нарачана од Пентагон се наведува дека дозволувањето на трансродовите лица да служат во американската армија ќе има само минимално влијание врз подготвеноста и буџетот на вооружените сили.
Истата студија наведува дека меѓу 1.320 и 6.630 трансродови лица служат војска.
Би можело да ве интересира
Нови правила за влез во Германија, се укинува карантинот за вакцинираните
Кипар го укинува строгиот карантин, воведува коронапас
Во Албанија продолжена забраната за собири, досега вакцинирани над 44 илјади лица
Вирџинија ја укинува смртната казна
По масовната вакцинација, Израел укинува дел од рестриктивните мерки
САД: Трансродовите лица пак можат да служат војска, Бајден ја укина забраната
Бајден ќе ја укине одлуката на Трамп за забрана на трансродови лица да служат во армијата
Што го одбележа четиригодишното владеење на Доналд Трамп?
Темелно чистење на Белата куќа пред доаѓањето на новите станари