Министерот за надворешни работи на ЕУ, Џозеп Борел го поздрави прекинот на воените дејства во и околу Нагорно-Карабах.
„Прекинот на огнот со посредство на Русија, кој беше договорен меѓу Ерменија и Азербејџан во понеделникот, ќе помогне да се спречи натамошно губење на животи и се надевам дека тоа е првиот чекор кон сеопфатно решение“, рече Борел.
Во писменото соопштение Џозеп Борел додава дека сега е потребно да се отворат преговори со цел да се обезбеди одржливост на договорот за примирје.
Тој наведува дека ЕУ го поддржува форматот на Минскaта група на ОБСЕ, чија цел е да се спроведе договорот за мирен и просперитетен развој на целиот регион на Јужен Кавказ.