Рекорден број на нови позитивни случаи на коронавирус се регистрирани во Бугарија, во последното деноноќие се заразиле вкупно 436 лица.
Ова е најголемиот број што здравствените власти во Бугарија го регистрирале од почетокот на пандемијата.
Софија е град со најголем број на случаи, а потоа следат Пловдив, Бургас и Стара Загора.
Бројот на приеми во болница изнесува 973, додека 57 пациенти се сместени во единиците за интензивна нега.
Вчера од коронавирус било излекувано 131 лице, а починале осум.
Вкупниот број на заразени во Бугарија од почетокот на пандемијата достигна 22.306.