Попладнево избил силен пожар на бродот „МСЦ Лирика“, кој плови под панамско знаме и е закотвен во пристаништето на грчкиот остров Крф.
Огромниот крузер бил без патници и стоел во пристаништето бидејќи уште не ја почнал летната сезона, а 51 член на екипажот се евакуирани и пренесени на безбедно. Снимките покажуваат како густ црн чад се извива од бродот.
Според грчките медиуми, десетици пожарникари, кои пристигнале со пожарникарски брод, се обидуваат да го изгаснат пожарот.