ВИДЕО: Медицинска сестра од Британија обвинета дека убила осум новороденчиња

Полицијата во Велика Британија уапсила медицинска сестра која е обвинета дека убила осум новороденчиња во болницата каде работела.

30-годишната жена по име Луси Летби е уапсена по третпат, за убиствата наводно извршени во 2015 и 2016 година, во болницата „Војвотката од Честер,“ во близина на Ливерпул. Таа била приведувана и во 2018 и во 2019 година, но била пуштана без да биде подигнато обвинение, затоа што немало доволно докази.

Според сега подигнатото обвинение, медицинската сестра се товари и за обид за убиство на уште девет новороденчиња во болницата.

Главниот полициски инспектор Пол Хјуз, изјави дека тим од детективи работи на „многу сериозен и чувствителен случај,“ но не откри повеќе детали.

Според британските медиуми, Летби за целото време додека траела тригодишната истрага против неа, продолжила да работи како медицинска сестра во истата болница.