Вооружен тинејџер отворил оган кон минувачи на автобуска станица во западниот руски град Нижни Новгород, убивајќи најмалку тројца луѓе, јави ДПА.
Во нападот, што се случи доцна попладнево, сериозно се повредени и три жени, соопшти полицијата, на која се повикува агенцијата.
Полицијата соопшти дека трага по вооружено 18-годишно момче по име Данил Монахов, кое наводно, со возило избегало од местото на настанот.
Мотивот за нападот засега останува нејасен, додава ДПА.