Годинава во светот убиени двојно повеќе новинари во знак на одмазда

Бројот на убиени новинари во светот во знак на одмазда се зголеми двојно во 2020 година на 21, во споредба со 10 претходната година, објави денеска Комитетот за заштита на новинарите (ЦПЈ).

Мексико се уште е една од најопасните земји за новинарите. Најмалку петмина биле убиени таму минатата година, од кои четири биле одмазда, соопшти организацијата.

Криминалните групи најчесто се сметаат за одговорни за убиствата, но Комитетот потсетува на ужасното погубување на новинарот и лидер на иранската опозиција Рухолах Зам на 12 декември, чие бесење предизвика осуда низ целиот свет.

Тој беше обвинет за активно учество во антирежимски протести во зимата 2017/18. во Иран.

Поради пандемијата и ограничувањата на патувањето, бројот на новинари убиени во судири и престрелки е најмал од 2000 година. Тројца новинари беа убиени на 15 декември, сите во Сирија, наводно во руски воздушни напади.

Шест новинари беа убиени во опасни мисии, од кои двајца во Ирак, со што бројот на убиени новинари годинава достигна најмалку 30 лица. Смртта на 15 новинари оваа година се уште се испитува.