Ким Џонг-ун го проверувал ракописот на сите во соседството за да открие кој го напишал „непримерниот“ графит

На жителите на цел кварт во провинцијата Унсан во Северна Кореја им бил проверуван ракописот, со цел да се открие кој е креаторот на графитoт што го критикува режимот на Ким Џонг-ун.

„Долу членовите на партијата кои живеат добро искористувајќи луѓе“, пишувало во пораката.

Истражителите го проверувале ракописот на децата и на возрасните, и со левата и со десната рака, за да откријат кој ја напишал пораката, пренесува „Дејли мејл“.

„Локалните лидери го посетија секое домаќинство по наредба на одделот за безбедност и ги тераа децата и возрасните да напишат порака на хартија со молив, а потоа нивните ракописи беа испратени до безбедносните служби на земјата“,изјавил еден од жителите на провинцијата за корејските медиуми.