Најважни моменти досега од претседателските избори во САД

Во еден од светските настани што предизвикуваат најмногу внимание секои четири години, граѓаните на САД денеска бираат претседател помеѓу актуелниот шеф на државата Доналд Трамп и демократскиот кандидат, Џо Бајден.

Еве краток преглед на најважните моменти досега од текот на претседателските избори во САД:

Во Њујорк 1,1 милиони луѓе веќе гласаа, а и покрај најавите, нема информации за протести и собири.

Во Тексас во текот на целиот ден се формираат невидени досега редици пред избирачките места.

Најновите бројки покажуваат дека рекорден број од над 102 милиони Американци гласале однапред.

Американските новинари ги прашаа Трамп и Бајден како се чувствуваат денеска. „Добро“, одговори Бајден, слично како и Трамп, („Многу добро“).

Њујорк Дејли Њуз ги објави првите случаи на гласање во име на починати лица. Изборната комисија доби пополнети гласачки ливчиња од предвременото гласање на најмалку два такви случаи.

Жителите на мал град на источниот брег во државата Њу Хемпшир први гласаа, а резултатите станаа познати два часа подоцна – мнозинството гласаше за Бајден. Последно ќе се гласа на Хаваите.

Од утрото, околу Белата куќа се поставени привремени метални конструкции и бетонски блокади за да се спречат можни немири. Оградите ќе бидат тргнати на 8 ноември.

Бајден и неговата сопруга отидоа во црква рано наутро, а потоа го посетија гробот на нивниот најстар син, кој почина во 2015 година.

 

Доналд Трамп е во Белата куќа, односно неговиот штаб во Eisenhower Executive Office Building.Близу западното крило на Белата куќа. По изборите, тој поканува 250 луѓе на прием. Тој објави видео на социјалните мрежи во кое им објасни на Американците зошто треба да гласаат за него – затоа што тој ја става Америка на прво место, а не на „лудите демократи“. Малку подоцна, тој го објави второто видео, во кое тој повика на глас „за мирен живот“.

И двајцата кандидати гласаа однапред.

Поранешниот претседател Бил Клинтон, заедно со неговата сопруга Хилари, која не успеа да го победи Трамп пред четири години, излегоа на гласање и рекоа дека гласале за Бајден.

Синот на Трамп објави прогноза на социјалните мрежи во која вели дека е уверен во убедлива победа за неговиот татко.

Во Небраска, властите пријавија анонимни пораки до гласачи со пораки да останат дома затоа што не е безбедно да излезат да гласаат или дека „нема потреба“ да го остварат своето граѓанско право. Властите повикаа ваквите повици да се игнорираат.

Според американските медиуми, Џо Бајден потрошил повеќе од 638 милиони долари во предизборната кампања, а Трамп – 472 милиони долари.

Букмејкери прифатиле облог од пет милиони долари на победа на Трамп на претседателските избори, за кои се верува дека е најголемиот политички облог во историјата. Поранешен банкар користел приватни обложувачници регистрирани на карипскиот остров Курасао за облог од 37/20 (коефициент 2.85) што значи дека би можел да освои речиси 15 милиони долари доколку Трамп биде избран за втор претседателски мандат.