Нова Каледонија повторно ја отфрли независноста од Франција

Нова Каледонија останува француска територија. 53,26 проценти од жителите на архипелагот гласаа против стекнување целосен суверенитет, на вториот референдум за независност од Франција. Во Нова Каледонија, која е оддалечена 18.000 километри од Париз, првиот референдум за независност се одржа на 4 ноември 2018 година, кога резултатот беше сличен, со разлика од околу 3 проценти. Нова Каледонија стана француска територија во 1.853 година и првично беше казнена колонија. Оттогаш, независноста е цел на домородниот народ Канак, кој сочинува околу 40 проценти од населението. Тензиите меѓу членовите на Канак и потомците на колонијалните доселеници кои остануваат лојални на Париз се големи. Нова Каледонија, според договорот потпишан во 1998 година, има право на три референдуми за независност. Следната можност за населението е обезбедена во 2022 година.