Околу стотина француски политичари повикуваат да се даде правото на глас на 16 години за општинските избори

Околу стотина избрани француски политичари повикуваат да се даде правото на глас на 16 години за општинските избори. Отворањето на ова право во форма на пред-полнолетство „би бил првиот начин да се развијат нашите градови“, велат потписниците на трибината објавена во денешното издание на „Журнал ди диманш“.

Сто избрани политичари, меѓу нив и лидерот на пратениците на МОДем (дел од владината коалиција), Патрик Мињола и неговиот колега (поранешне припадник на Републиката во марш) Седрик Вилани, повикуваат на право на глас на 16-годишна возраст на општинските избори.

-Нашата земја, онаа на човековите права, просветителството и слободата на говорот, не може да биде без дебата за отворање на право на глас на 16 години. Без догматизам. На оваа тема, нашето општество не се промени од намалувањето на полнолетството на 18 години во 1974 година , пишуваат потписниците, придружувани од „103 млади луѓе од граѓанското општество“.

-Отворањето на гласањето на 16 години на општинските избори во форма на пред-полнолетство ќе биде првиот начин да нашите градови се развиваат, тврдат тие.

-На 16 години, Французите веќе стекнаа голем број граѓански права. Тие можат да работат, да да се оданочуваат, да се приклучат на социјално осигурување, да возат придружени од возрасно лице, да се одречат од својата националност, да се еманципираат од домот или дури и да создадат здружение, потсетуваат тие.

-Што е уште поважно, на 16 години, во Франција, станувате кривично одговорни, додаваат тие, една година по последните општински избори, на кои имаше рекордна неизлезеност.

Според едно испитување, дури 62 отсто од средношколците се согласуваат да гласаат на 16-годишна возраст.