Опозицијата ја повика Бакингемската палата да почне истрага за расизам по интервјуто на Меган Маркл

Пратеничка на Лабуристичката партија, главната опизициска партија на Велика Британија, во понеделникот изјави дека Бакингемската палата треба итно да почне истрага за наводниот расизам, на кој посочија принцот Хари и Меган Маркл во интервјуто за Опра Винфри.

За време на интервјуто Меган наведува бројни инциденти, вклучително и неименувано лице во палатата кое додека таа била трудна ѝ предочило дека во палатата биле загрижени за тоа дали нејзиното дете ќе има темна кожа имајќи предвид дека мајка ѝ е Афроамериканка, а татко ѝ белец.

Кејт Грин од британските лабуристи во понеделникот изјави за „Скај џуз“: „Aко има обвинувања за расизам, очекувам овие наводи да бидат третирани од страна на Палатата со најголема сериозност и целосно истражени“.