Трамп одби да учествува во виртуелна дебата

Откако беше објавено дека втората дебата меѓу кандидатите за претседател на САД, Доналд Трамп и Џо Бајден ќе биде виртуелна , сегашниот претседател одби да учествува во соочувањето. Трамп рече дека не сака да губи време на виртуелна дебата, која, како што тврди, треба да го „заштити“ неговиот ривал. Тој истакна дека не го прифаќа новиот, виртуелен формат објавен од комисијата. „Нема да учествувам во виртуелната дебата“, нагласи Трамп. Втората дебата е закажана за 15 октомври, а нејзин модератор ќе биде Стив Скали, извршен продуцент и политички уредник на мрежата C-Span Networks.