Црнa Гора: Опозицијата и дел од власта го критикуваат задолжувањето од 750 милиони евра

Црногорските опозициски парламентарни партии Демократската партија на социјалистите (ДПС) и Либералната партија (ЛП), како и Обединета Црна Гора и Движењето за промени, кои се дел од парламентарното мнозинство, денеска жестоко го критикуваа новото задолжување на државата за 750 милиони евра.

Потпретседателот на ДПС и поранешен премиер Душко Марковиќ изјави дека владата на ДПС ќе беше сатанизирана доколку го стореше истото на штета на државата.

Марковиќ беше особено критичен кон фактот дека претставниците на новата влада го сторија тоа во изборната кампања, неколку месеци по парламентарните избори, и за време на изборот на новата влада.

-Оценките беа тешки, и секако неточни, дека Црна Гора е пеплосана земја и земја на уништена економија, рече Марковиќ.

Тој додаде дека јавноста преку Твитер дознала за позајмувањето на речиси милијарда евра.

Либералната партија соопшти дека за помалку од 72 часа „од нејзиното гротескно пристигнување на работа со 12 такси возила, експертската влада го стори тоа што никој не би го помислил – ја задолжи државата за точно 750 милиони евра“.

ЛП смета дека потегот на владата за рубриката „верувале или не“.

„Таа го разби митот, овој пат не за Косово со или без ѕвезда на крајот, туку оној што така прозаично го градеше новиот премиер и прв меѓу еднаквите од 12-те возачи на апокалипсата“, се наведува во соопштението на ЛП.

Тие додаваат дека новата влада ги задолжи Црна Гора и нејзините 650.000 жители за точно 750 милиони евра.

Обединета Црна Гора (УЦГ) побара од министерот за финансии итно да ја објасни вчерашната изјава на Твитер „дека економската иднина на Црна Гора е обезбедена со нов долг од 750 милиони евра“, за да не се создаде впечаток дека новото мнозинство, вклучувајќи го и УЦГ, продолжува со нови задолжувања со старата и ужасна матрица на ДПС.

Лидерот на Движењето за промени, Небојша Медојевиќ, претходно повика на итна парламентарна седница поради новото задолжување на владата.