Проблеми со „Фејсбук“, „Инстаграм“ и „Месинџер“ во цела Европа

„Фејсбук“, „Инстаграм“ и „Месинџер“ од утрово почнаа да јавуваат проблеми и да не функционираат. Ова ги погоди корисниците низ Европа, вклучително и Македонија, па многу од нив се жалат дека не добиваат пораки или дека воопшто не можат да се вклучат.

Според „Даун Детектор“, проблемите започнале околу 9 часот наутро за корисниците ширум Европа, а се чини дека најголеми проблеми има во западна Европа.

И покрај тоа што причината за проблемите останува нејасна, од оние кои пријавиле проблеми, 80% рекле дека не добиваат пораки, додека 20% не можат да се најават.

„Мирор“ го контактирал „Фејсбук“ за коментар, но засега нема одговор.