Германија оди во локдаун од 16 декември до 10 јануари

Германија од среда влегува во строг локдаун зарди зголемениот број на заразени со  корона. Се предвидува затворање на речиси сите продавници, освен најосновните, од 16 декември до 10 јануари, а ќе се воведат и строги рестрикции за училиштата и градинките.

Покраините се согласија на делумно затворање на почетокот на ноември и сите кафулиња и ресторани беа затворени, но продавниците и училиштата останаа отворени.

Но, овие мерки не ги дадоа посакуваните резултати и Германија регистрираше нови рекорди во заразени. „Нашето општество мора да се подготви за тврд локдаун и како се одвиваат работите, тоа ќе биде пред Божик.“, кажа вчера Винфрид Кречман, премиер на покраината Баден-Виртемберг.