пред 3 години Објавени се добитниците на наградите од конкурсот за Третиот меѓународен фестивал на кратoк филм „Филмај 2021“ – Куманово. Трочленото жири во состав: Лидија Мојсовска (режисер/ сценарист), Наум Доксевски (кинематограф) и Дејан Ангеловски (фотограф) одлучи да ги додели следниве награди:
– награда `Лазар Ѓорѓевиќ` за најдобра режија за Azadeh Moussavi за режирање на филмот ‘The Visit’ (Иран).
– награда `Радислав Ристевски` за најдобра фотографија/кинематографија за Pieter-Jan Claessens за неговата работа во филмот `Da Yie` (Гана).
– награда `Козјак` за најдобро сценарио за Ali Asgari и Farnoosh Samadi за филмот `Witness` (Иран).
– награда за најдобар домашен (македонски) филм за `Неонски срца` (режија: Ана Јакимска).
Организаторот дополнително ќе ја објави листата со официјално одбраните филмови за прикажување на фестивалот.
Со оглед на моменталните безбедносни и здравствени услови, фестивалската вечер (првично замислена да се случи при крај на мај) е планирана да се случи во септември 2021.
Оваа одлука е заснована на искрена желба и страст на организаторот да овозможи потполно кино фестивалско искуство – со бројна публика присутна во проекциона сала.
Би можело да ве интересира
Се одржа 63. доделување на Греми наградите
„Улиште“ е победник на Санденс, косовско-македонска копродукција
Прво издание на фестивалот за краток филм „Skopje Frames“ во МКЦ
Kосовско-македонскиoт филм „Барајќи ја Венера“на фестивалот во Ротердам
Агенција за филм: 2020 беше полна со предизвици, но и успеси
„Дедо и внук“ освои награда и на Интернационалниот филмски фестивал во Париз
Доделени наградите на 11.Мобил филм фестивал
Бијонсе со девет номинации на Греми наградите
Aмериканската премиера на „Врба“ крунисана со наградата за најдобар филм