Кривична пријава за лекар од гостиварско кој издал лажни негативни ПЦР тестови

45-годишен лекар од гостиварско Чегрне доби кривична пријава затоа што издавал лажни негативни ПЦР тестови објави Минстерството за внатрешни работи. Тој тестовите ги наплатил 1500 и 3000 денари.

„Тој се сомничи дека на 7 и 9 март, како лекар во гостиварската Општа болница „Ферид Мурад“ на две лица им изготвил лажни негативни ПЦР тестови, кои им биле потребни за патување во странство и им наплатил 3000, односно 1500 денари или вкупно 4500 денари“ – се вели во соопштението од МВР.

Е.М., кој вчера (22.03.2021) бил лишен од слобода и задржан во Полициската станица Гостивар, a со кривичната пријава денеска ќе биде однесен пред Јавен обвинител.