Уништени таблите на кои пишуваше дека Филип и Аминта се Хелени

Со црвен спреј се уништени таблите кои неодамна беа поставени пред некои од спомениците од Скопје 2014.

Станува збор за личности кои со Договорот од Преспа и припаднаа на Грција, а на Македонија и беше наложено да се огради од тоа дека се македонски историски личности.

На металните табли имаше текст со објаснување дека личноста чиј е споменикот е историска фигура од светското културно наследство.

Денеска на таблите осамна ознаката МК, а текстот со оградувањето е целосно прецртан со црвена боја.