Бројот на заразени од коронавирус во светот надмина 123 милиони

Бројот на заразени од коронавирус во светот надмина 123 милиони од почетокот на пандемијата, според податоците на страницата Ворлдметерс.

Од последици од вирусот досега починале 2,7 милиони луѓе, а 99,1 милиони се излекувалеле.

Бројот на активни случаи во моментов е 21,1 милиони, од кои 0,4 проценти се во критична состојба.

Во последните 24 часа, во светот се пријавени повеќе од 535.000 нови случаи на коронавирус, а речиси 10.000 луѓе починале, соопшти Светската здравствена организација (СЗО).

Во дневниот извештај на СЗО се наведува дека во изминатиот ден се регистрирани 535.860 нови инфекции и 9.868 смртни случаи.

Во Европа се регистрирани 233.900 нови случаи.

Следат Северна и Јужна Америка со 195.970 и Југоисточна Азија со 49.211 новозаразени.

Соединетите Американски Држави сè уште имаат најмногу случаи на коронавирус од почетокот на пандемијата, со повеќе од 29 милиони, по што следат Бразил и Индија со повеќе од 11 милиони заразени.