Свет

(Видео) Поплави во Франција и Италија, има мртви и исчезнати

пред 4 години

Најмалку две лица го загубија животот во поплавите во Франција и Италија, додека десетици се водат за исчезнати.

Невремето што ги погоди југоисточна Франција и северна Италија предизвика големи поплави од двете страни на границата. Водата уништи мостови, блокираше патишта и изолирани села.

Еден волонтер пожарникар загина во Италија за време на интервенција.

Уште едно тело е пронајдено во провинцијата Верчели.

Најмалку 17 лица во Италија се водат за исчезнати.

Количината на дожд што падна во текот на ноќта во италијанскиот регион Пиемонт не е забележана од 1958 година.

Во Франција најмалку девет лица исчезнаа во поплавите откако на подрачјето околу Ница во Франција за само 12 часа наврнал дожд, речиси колку просечниот годишен просек.

Властите соопштија дека се оштетени куќи, мостови и патишта во планинскиот регион на Приморските Алпи крај границата со Италија.

Градоначалникот на Ница, Кристијан Естроси, изрази сочувство со семејствата на исчезнатите. Рече дека повеќе од 100 домови биле уништени или сериозно оштетени.

Францускиот претседател Емануел Макрон, на Твитер изрази благодарност до спасувачите.

Во регионот е на сила предупредување за опасност, а училиштата се затворени. Локалните власти ги повикаа граѓаните да не ги напуштаат своите домови.

Би можело да ве интересира

Бројот на жртви од катастрофалните поплави во западна Европа се искачи над 150 (Видео) Поплави и свлечишта во Индонезија, над 70 загинати Најмалку 23 загинати во најновите поплави во источна Индонезија Поплави на источниот дел од Австралија (Видео) Се урна дел од глечер, се стравува дека има 150 мртви ВИДЕО: Три лица повредени, а две се водат за исчезнати во силна експлозија што го потресе Бордо Осум лица загинаа во поплави во Малезија, евакуирани речиси 50.000 луѓе Поплави и снег на северот на Италија, прогласен „црвен аларм“ Брод со мигранти потона кај Лезбос, има исчезнати
Scroll to Top