Во Словенија на сила нови мерки, по скокот на бројот на новозаразени

Словенечката Влада денеска усвои нови рeстриктивни мерки, со цел да се спречи ширењето на новиот коронавирус, а една од нив е забраната за собирање повеќе од десет лица.

Собирање до 500 луѓе ќе биде можно само со одобрение од Националниот институт за јавно здравје.

Забрането е да се служи храна и пијалоци на настаните, а баровите и рестораните ќе ги служат само оние гости кои се оддалечени 1,5 метри.

Рекорден број на новозаболени со Ковид-19 денеска се регистирани во Словенија – 387, што е најголем број од почетокот на пандемијата.