Во Србија пристигнаа 58.500 вакцини на „Фајзер“ и 100.000 дози на „Спутник V“

Нов контингент од 58.500 дози вакцини на „Фајзер-Бионтек“ пристигна во Србија, што преставува досега најголемата единечна испорака на вакцините на ова акомпанија.

Вакцините се доставени до Институтот Торлак, од каде ќе бидат дистрибуирани до пунктовите за вакцинација.

Синоќа во Србија пристигнаа и 100.000 втори дози на руската вакцина „Спутник V“, а на 5 март треба да пристигнат уште половина милион кинески вакцини „Синофарм“.

И покрај одминатата вакцинација, според која земјата е во светскиот врв по имунизирани на милион жители, Србија и натаму има голем број на новозаразени пациенти.

Според најновите податоци во последните 24 часа, во земјата се регистрирани 3.469 нови случаи на коронавирус и 16 смртни случаи.

Досега во Србија вкупно 462.728 лица се имаат разболеле од овој вирус, а регистрирани се 4.459 смртни случаи. На болничко лекување се наоѓаат 3.977 пациенти од кои 164 се на респиратори.