Европа брзо испрати сигнали по руската понуда на 100 милиони вакцини

По понудата на Москва да му помогне на официјален Брисел, кој е на тенок мраз поради ограничените количини на вакцинаци против коронавирус, пристигнуваат сигнали од ЕУ.

Да потсетиме, денеска од Москва пристигна понуда од компанијата што стои зад руската вакцина против коронавирус, да им испрати во ЕУ 100 милиони дози вакцина „Спутник В“ во текот на вториот квартал од годинава.

По понудата од Москва, одговори германскиот институт „Пол Ерлих“, од каде беше објавено дека веќе се во контакт со Русија во врска со регистрацијата на вакцината „Спутник В“ во Европската унија.

Брисел веќе со денови има огромни проблеми при вакцинирање на жителите на Унијата, поради доцнењето во претходно договорените достави на вакцини од западните производители, од кои деновиве е посебно актулен случајот со „Астразенека“.

Иако и натаму не е соопштен официјален став за конечна одлука на Европската комисија, познавачите коментираат дека ралноста не дозволува одолговлекување на ситуацијата.

Поради застојот во испораката на вакцините две земји, членки на ЕУ, полека почнуваат да размислуваат за вртување кон други пазари за набавка – Русија, но и Кина.

Унгарскиот премиер, Виктор Орбан, одамна го искажа својот став, што го потврди и денес. Тој рече дека неговата земја може да потпише договор за набавка на кинески вакцини денеска или утре, додека руската „Спутник В“ е веќе набавена, минатата недела.

Сега и Хрватска влегува во приказната за набавка на руската вакцина во земјите на ЕУ. Според регионалните медиуми, официјален Загреб размислува за набавка на руската вакцина, поради доцнењето на веќе направените нарачки од други производители.