Затворени метро станици, продавници, ресторани – Москва се подготвува за нови протести за поддршка на Навални

Руските власти затворија метро станици и го ограничија движењето во Москва во пресрет на најавениот нов протест за поддршка на затворениот опозициски лидер, Алексеј Навални. Многу ресторани и проадавници ќе бидат затворени, а подземниот транспорт ќе биде пренасочен.

Во протестите низ Русија во минатата недела беа уапсени повеќе од четири илјади луѓе. Навални беше приведен веднаш по слетувањето во Москва каде дојде од Германија. Таму се опоравуваше од труењето со нервен гас.

Руските власти објаснуваат дека Навални е затворен затоа што не се јавувал редовно во полиција што според нив му било обрска од условната казан за проневера.