Словенија: Десетина пратеници сомнителни на коронавирусот, Парламентот не го одложува гласањето за доверба на Владата

Претседателот на словенечкиот Парламент, Игор Зорчич, денеска ги отфрли повиците за одложување на седницата за недоверба на Владата на Јанез Јанша, поради можна заразеност на десетина пратеници со коронавирусот.

Неговиот предлог е седницата да се одржи во среда, за што утре официјално ќе се изјасни неговиот колегиум.

Зорчиќ денеска изјави дека е против можно одложување поради тоа што се случи во петокот, кога на затворена седница девет члена на Парламентарниот комитет за контрола на тајните служби беа во контакт со директорот на државната разузнавачка служба СОВА Јанез Стушек, за кого подоцна беше потврдено дека е заразен со коронавирусот.

Сите членови на Одборот ќе бидат тестирани денеска и утре, а медиумите информираат дека инфекцијата е веќе потврдена кај пратеникот на социјалдемократите (СД), Матјаж Хан.
Зорчиќ е член на една од трите владејачки партии во Владата на Јанез Јанша.
– Гласањето за доверба на Владата, според предлогот на опозицијата, треба да биде пријавено во рамките на уставниот и деловничкиот рок, рече тој.
Тој рок е најдоцна седум дена од воведувањето на предлогот во постапката, а последниот ден е петок, така што вонредната седница треба да почне во среда.
Група од 42 пратеници од пет левичарски и десноцентристички опозициски партии во петокот поднесоа иницијатива за недоверба на Владата.
За да успее оваа иницијатива треба најмалку 46 пратеници од 90 да гласаат за предлогот на тајно гласање.
Премиерот Јанша тврди дека во најтешкото време на епидемијата, левичарската опозиција сака да ја дестабилизира Владата и дека нејзината иницијатива во погрешно време може да предизвика само предвремени избори.