пред 4 години Пандемијата со коронавирусот и понатаму хара низ светот и голем број од европските држави бележат голем број на новозаразени, пишуваат светските медиуми.
Бројките растат со вртоглава брзина, а вирсуот секојдневно носи голем број на животи. Поедини земји во Европа продолжуваат да соборуваат црни рекорди, а се стравува дека кај голем дел од нив може да дојде до колапс на здравствениот систем.
Во Германија потврдени се 16.774 заразени лица со коронавирус. Ова е најголемиот дневен пораст на заболени од почетокот на пандемијата. Во последните 24. часа починале 89 лица, велат од Институтот за заразни болести „Роберт Кох“.
Вкупно во Германија се заразени повеќе од 481.000 луѓе, а починале 10.272 лица. Германската канцеларка Ангела Меркел објавила дека германските официјални лица се согласиле со четиринеделно затворање на рестораните, баровите, кината, театрите и други слични објекти.
Меркел вели дека ова се прави во обид да се спречи наглиот пораст на заразени со коронавирус. Одлуката треба да стапи на сила во понеделник и ќе трае до крајот на ноември.
Продавниците и школите треба да останат отворени, за разлика од времето кога се затворија првата фаза од пандемијата во март и април. Рестораните ќе можат да понудуваат храна само за носење.
„Мораме да делуваме сега, за да ја избегнеме акутната национална здравствена криза“, изјавила Меркел.
Белгија поради огромниот раст на бројот на заразени со коронавирус, како и бројот на хоспитализирани, би можела да побара меѓународна помош, предупредил епидемиологот Пјер Ван Дам. Во белгиските болници, во овој момент хоспитализирани се 6000 пациенти.
Сите се инфицирани со Ковид-19, а бројот на хоспитализации, на секои осум дена, двојно се зголемува. Само во среда на 28. октомври, биле хоспитализирани 743 лица, додека бројот на новоинфицирани за 24 часа надминал 18.000.
„Порастот на заразени со коронавирус и хоспитализации ги надмина владините обиди за секакво нивно спречување, а здравствената заштита во земјата би можела да пукне во рок од десет дена“, предупредил Ван Дам.
Професорот по медицина на Универзитетот во Антверпен, Ван Дам, додава дека Белгија ќе мора да ја распореди војската и да побара меѓународна помош, затоа што пандемијата со коронавирусот продолжува да го турка националниот здравствен систем, преку работ на колапс.
Сојузниот министер за здравство, Франк Вандербрук, порачал дека строгите мерки за затворање на земјата, мора да останат на сила, подолго од месец дена.
Во Италија, во последните 24 часа, забележани се повеќе од 25.000 новозаразени со коронавирус, 205 лица починале како последица на коронавирусот, а тестирани се 198.000 лица, пишува агенцијата „Анса“.
Шефот на владиниот советодавен научно технички комитет, Агостино Миоко, изјавил дека само со ригорозно придржување на новите мерки за ограничувањето на ширењето на Ковид-19, може да се избегне нов карантин.
„За две недели ќе знаеме дали овие мерки се доволни или ќе мора повторно да воведеме тотално затворање“, изјавил тој за дневниот весник „Кориера дела Сера“.
Тој оценил дека новите мерки на владата се во рамки со епидемиолошката ситуација која забрзано се влошува.
Миоко ги критикуваше таканаречените „инстант експерти“ и таквите кои се самопрогласуваат, а кои сега ги критикуваат владините мерки или нудат решенија кои не се засноваат на фактите.
„Каде беа тие експерти кога во изминатите децении политичарите ги намалуваа парите во болниците, кога се затвораа одделенија на интезивна нега, кога се намалуваше помошта на јавните болници, во корист на приватните? Не се сеќавам дека чув гласови против таквата политика од оние кои сега се противат на мерките на владата“, изјавил шефот на научно техничкиот комитет.
Во Полска денес се регистрирани два негативни рекорди, 20,156 нови случаи на заразени со „Ковид-19“, што е најмногу на заболени во еден ден. Регистрирани се 301 починати, што е најголем број на жртви настанати во период од 24 часа, соопштиле од Министерството за здравство.
Вкупниот број на заразени ја надмина бројката од 300.000 пренесува агенцијата „Ројтерс“. Хоспитализирани се 14.631 пациент, а 1203 се наоѓаат на респиратори, додека вчера во болниците имало 13,931 заболен, а 1250 биле на респиратори.
Во Унгарија во последниот пресек, починале 56 лица како последица на заразата со коронавирусот, а заразени се уште 2194 луѓе. Ова се бројки добиени според податоците објавени на сајтот koronavirus.gov.hu.
Активни случаи има 49.024, хоспитализирани 3197, а 255 се ставени на респиратори, пренесува агенцијата MTI. Досега се тестирани 1.032.942 граѓани. Вкупно починати се 1634 лица, а заразени 68.127, додека опоравени се 17,469 лица.
Во Русија денес забележани се рекордни 17.700 новозаразени. Од последниот пресек, починале 366 лица, од последицата на заразата со коронавирусот, што претставува најголема бројка на починати во еден ден од почетокот на пандемијата.
Вкупно во Русија заразени се 1.581.693 луѓе, а досега починале 26.935 лица, пренесува агенцијата ТASS. Според последните податоци, опоравени се 14.470 од заболените, со што вкупниот број на оние кои го победиле Ковид-19, пораснал на 1.186.041 лица.
Во Бугарија, во последните 24 часа регистрирани се 2760 нови случаи на заразени со коронавирус, со што вкупниот број на заразени достигнал 45.461 лице. Стапката на позитивни во моментов е поголема од 27%.
Починати се уште 36 пациенти, односно вкупно 1197 лица, пренесува БТА. Активни случаи се повеќе од 25.000. Хоспитализирани се 2316, од кои 162 се на интезивна нега. Со коронавирус заразени се повеќе од 2000 медицински лица.
Во Австрија денес е забележан нов рекорд на бројот на новозаболени од коронавирус. Во последните 24 часа регистрирани се 4453 новозаразени, а забележан е и најголем број на починати на дневно ниво. Починати се 29 лица.
Уште вчера бројо на новозаразени во таа земја, изнесувал околу 3400. Само во покраината Доња Австрлија, биле забележани 1074 новозаразени, во последните 24 часа. Со тоа, за првпат една австриска покраина го надминала рекордот од 1000 новозаболени во еден ден.
На второ место е Виена со 821 новозаразен, па Горна Австрија со 796. Потоа следат Тирол со 584 новозаразени, Стајерска со 355, Форарлберг со 276, Салзбург со 262, Корушка со 166 и Бургенланд со 119.
Исто така забележан е и нов рекорд по бројот на починати, откако во последните 24 часа, починале 29 лица од или со Ковид-19, со што вкупниот број на починати, достигнал 1056.
Здружението за управување со болниците во австриската покраина Стајерској, поради неповолната епидемиолошка ситуација, донело одлука за забрана за посета на пациентите.
Во некои болници, како што е таа во Вагна, коронавирусот се раширил меѓу вработените, па таму повеќе од 25 лица се позитивни на вирусот. Во тие болници не се примаат повеќе заболени луѓе.
Сега е одлучено во целата покраина да се прогласи забрана за посети на пациентите. Таа мерка е образложена не само со растечкиот број на пациенти заболени со Ковид-19, туку пред се со цел да се заштити пресоналот.
Би можело да ве интересира
Возовите во Германија доцнеа зарди лебедот кој тагувше по својот партнер
Годишен хороскоп за 2021 година
По големиот број несреќни, спорниот Боинг 737 Max повторно ќе лета
Втор ден мал број заболени од Ковид-19 и повеќе оздравени од новозаразени
Повеќе оздравени од заразени со Ковид-19, активни 2 668 случаи
Повеќе оздравени од заразени со Ковид-19, активни 2 668 случаи
Дневен преглед на состојбата со Ковид-19 во светот
Расте бројот на заразени, во светот над 25 милиони со Ковид-19
Со десет нови случаи Делчево меѓу градовите со најмногу заразени од Ковид-19