Идната недела три дена ограничено снабдување со гас, ќе се поправа гасоводот кон Бугарија

Од вторник до четврток следната недела, односно од 27 до 29 октомври годинава, преку гасоводот ќе се транспортираат ограничени количини на природен гас кон корисниците, најави денеска компанијата ГА-МА, сопственичка на транспортниот гасоводен систем во земјава.

Како што информираат од компанијата, причина за намалениот транспорт на природен гас е изведување планирани ремонтни зафати на транзитниот гасовод од Бугарија кон земјава, што ќе ги извршува бугарската комапнија „Булгартрнасгаз ЕАД“.