Автомобил удри во патарина кај Куманово, загина возачот

Возач загина кога автомобилот удрил во столб од наплатна станица „Романовце“.

Несреќата, како што информираа од СВР Куманово, се случила доцна синоќа околу 3.30 часот.

„На автопатот Скопје-Куманово, патничко возило „фолксваген голф“ со скопски регистарски ознаки удрило во столб на наплатната станица, при што настанал пожар на возилото. Притоа, на местото починал возачот, а смрт констатирал лекар од Итна медицинска помош“, соопшти полицијата.

Пожарот е изгаснат.