пред 3 години Оставката на Бојан Лазаревски е поднесена пред да биде назначен за в.д. директор на Агенција за филм, нема кумулација на функции, соопштија од Владата.
„По денешната реакција на Државната комисија за спречување на корупцијата, Владата на Република Северна Македонија соопштува дека на вчерашната седница ја констатираше оставката на Бојан Лазаревски од функцијата член на Управниот одбор на Агенцијата за филм. Оставката на Лазаревски е поднесена неколку дена пред тој да биде назначен за в.д. директор на Агенцијата за филм. Оттаму, во конкретниот случај не постоела никаква можност да настане кумулација на функции“, велат од Владата.
Од таму велат дека според закон, мандатот на директорот на Агенцијата му престанува по сила на закон кога тој ќе поднесе оставка во писмена форма.
„Вчерашната владина одлука има само декларативен карактер, односно со неа само да потврдува приемот на оставката, а таа важи од самиот момент кога е поднесена, односно од пред Лазаревски да биде воопшто назначен за в.д. директор на Агенцијата за филм. Со други зборови, законската одредба е јасна дека при поднесување на оставка функцијата престанува по сила на закон“, се наведува во соопштението.
Би можело да ве интересира
Агенцијата за филм ќе ги поддржи дебитантските долгометражни остварувања на Унковски и Ѓоковиќ
ВМРО-ДПМНЕ: Агенцијата за филм и нејзините лажни ветувања наспроти катастрофалната состојба во македонскиот филм
„Хомо“ на Игор Иванов-Изи во официјалната програма на фестивалот во Гоа
Бојан Лазаревски е именуван за нов директор на Агенцијата за филм
ЕФА: Најдобар европски филм „Уште една рунда“ на Томас Винтерберг
Бучковски назначен за специјален претставник на Владата за Бугарија
Влада: Макрадули да се избере за директор на “Македонски пошти”
Владата именува нови директори на јавни претпријатија и државни агенции
Владата ги соопшти имињата на новите директори на јавни претпријатија и државни агенции