ВМРО-ДПМНЕ: Мојсоски нека не се крие, нека поднесе оставка од АМС

„Наумче Мојсоски треба веднаш да си поднесе оставка од позицијата директор на Агенцијата за млади и спорт после сериозните индиции за сторен криминал. Наместо да се крие зад соопштенија треба да ја напушти функцијата, бидејќи од таа позиција може да ја загрози истрагата за малверзациите со распределбата на ваучери за спортски клубови“ соопштија од опозициската ВМРО-ДПМНЕ.

Од партијата велат дека „се работи за сериозен скандал бидејќи распределбата на ваучери врти над една милијарда денари и постои основано сомнение дека без јасни критериуми биле фаворизирани одредени клубови“.

„Според Антикорупциска, овие средства биле делени под влијание на одредени лица, па дури и политички партии и со тоа била направена штета на буџетот. Наумче Мојсоски треба на јавноста да и открие кои се тие лица и кои се тие партии кои вмешувале прсти во распредлбата на оваа милијарда. Доколку Мојсоски решил да молчи, тогаш надлежните институции оваа истрага треба да ја прошират и да се види кој се стои зад оваа афера“ се вели во партиското соопштение.