Во Австрија ќе им даваат на децата награди ако излегуваат надвор на прошетки

Оваа есен, 7.000 ученици од 27 училишта во Виена, Австрија, ќе имаат можност да соберат поени, да се натпреваруваат и да освојат вредни награди преку, а се што треба да прават е што почесто да излегуваат на отворено и да се шетаат.

Целта на играта „Точки на улицата“ е поголема физичка активност кај децата, но и заштита на климата. Пандемијата на коронавирусот уште повеќе го ограничи движењето на најмладите. Игрите со топка со другарчињата, спорт, ластик, трчање, велосипеди – сѐ тоа сега е уште понепопуларно.

А сепак, сето ова ги прави децата поздрави, среќни, радосни и ги развива нивните моторни, социјални и умствени способности, велат локалните власти.

Преку „Точки на улицата“, децата во Виена собираат поени пешачејќи до училиште, продавница или пак, при посета на пријатели. Наградната игра трае од 2 октомври до 13 ноември. Поставени се 35 кутии за игри на неколку улици, а децата собираат поени со притискање копче на кутиите, па напредувајќи во играта, си го развиваат натпреварувачкиот, но и колективниот дух за успех.

Овиие забавно-образовни дејности имаат за цел, меѓу другото, и придонес за зачувување на климата на планетата Земја.