Засилени сообраќајни контроли во Охрид: 149 санкционирани возачи, 40 за пречекорена брзина

Министерството за внатрешни работи информира дека во текот на вчерашниот ден била спроведена засилена акциска контрола во областа на сообраќајот на територијата на Охрид. – Изречени се вкупно 149 санкции, меѓу кои 40 за пречекорена брзина на движење, 14 за измината важност на сообраќајната дозвола, нерегистрирани возила, 8 за возење без возачка дозвола, а санкционирани се и 14 мотоциклисти, соопштува МВР. Оттаму најавуваат дека засилените сообраќајни контроли продолжуваат и во наредните денови и апелираат граѓаните да ги почитуваат сообраќајните правила и прописи за да се зголеми безбедноста во сообраќајот. Текстот Засилени сообраќајни контроли во Охрид: 149 санкционирани возачи, 40 за пречекорена брзина е превземен од А1он .