Казнети 105 возачи во Скопје, 13 возеле без возачка дозвола

На територијата на главниот град вчера биле изречени 105 казни заради сообраќајни прекршоци, информираат од МВР.

Според ресорното министерство, 13 возачи добиле казни заради возење без возачка дозвола, а 6 за управување под дејство на алкохол. За 11 била изречена казна за нерегистрирани и технички неисправни возила, 2 биле казнети поминување на црвено светло, 7 мерки биле изречени за користење на мобилен телефон, 4 за некористење на сигурносен појас и 8 санкции за непрописно паркирање.

„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот“, соопштуваат од МВР.