пред 4 години Скопското основно јавно обвинителство до Основниот кривичен суд поднесе обвинение против едно лице за продолжено кривично дело тешка кражба.
Искористувајќи слични околности, тој во текот на месец септември сторил повеќе дејствија кои претставуваат повеќекратно сторување на истото кривично дело.
На 26 септември, на улица „Алжирска“, од една оштетена одзел женска чанта во која имало паричник со пари и други предмети во вкупна вредност од 36.200 денари. Обвинетиот влегол во домот на оштетената низ влезната врата, ја турнал, ја одзел чантата и избегал.
Истиот ден, на пешачка патека на улицата „Теодосиј Гологанов“, обвинетиот на дрзок начин одзел две ланчиња од една оштетена – златно ланче со приврзок монета во вредност од 6.500 денари и едно ланче бижутерија вредно 2.000 денари. На разминување по патеката, тој со раката насилно и ги грабнал ланчињата кои што оштетената ги носела околу вратот и избегал.
На 30 септември, на автобуска постојка на булеварот „Партизански одреди“, обвинетиот на дрзок начин одзел златно ланче вредно 30.000 денари, така што насилно го грабнал од вратот на оштетената и го напуштил местото.
Јавен обвинител до Судот достави и предлог за продолжување на претходно определената мерка притвор за обвинетиот.
Би можело да ве интересира
Груевски, Камчев и Мијалков обвинети за „Плацевите на Водно“, се бара продолжување на притворот за Камчев
Притвор за битолски разбојник што вооружен со нож украл 80.000 денари од аптека
Кумановка преку брза пошта ѝ праќала златен накит на Фејсбук-измамничка „што помага на луѓе“
Обвинение за разбојник кој извршил пет тешки кражби на периферијата од Скопје
Украден златен накит од починат пациент на штипското Инфективно одделение
Обвинение за скопјанец кој ограбувал маркети
Обвинение за разбојник кој ограбувал аптеки во Скопје
Разбојник украл телефон од девојка, полицаец го уапсил на местото на настанот
Скопјанец ќе одговара за 4 тешки кражби – рекетирал минувачи, провалил во црква, а се обидел да ограби и маркет