Притвор за дилерот со „Хамер“ од тетовско кој нападна полицајци откако го фатија со кокаин

Судија на претходна постапка од Основниот суд во Тетово вечерва му одреди мерка притвор на 31-годишниот жител на селото Порој кој вчера беше уапсен откако кај него беа најдени марихуана и над 100 пакувања кокаин.

– А.Б (31) од Порој по лишувањето од слобода е задржан во Полициската станица Тетово, а неговото возило е одземено за вештачење. По целосно документирање на случајот и изготвени соодветни поднесоци изведен е пред судија во претходна постапка кој одреди 30 дена притвор, информираат од СВР Тетово.

Приведениот беше фатен на паркинг на фирма во Порој, а при тоа се однесувал агресивно и физички ги нападнал полициските службеници.

Во неговиот „Хамер“ полицајците пронашле преку 100 пакувања со кокаин, девет пакувања марихуана, две дигитални ваги и два мобилни телефона.