пред 3 години Градоначалникот на Кавадарци, Митко Јанчев денеска на социјалните мрежи објави дека од Ковид-19 починал 21-годишниот кавадарчанец, Горан Ѓерѓев.
Како што соопшти Јанчев, пред два дена од коронавирус починал и неговиот брат, Марјан Ѓерѓев, кој бил на 26-годишна возраст.
„Ова е тажен ден за нашето Кавадарци. За жал денес изгубивме уште еден млад човек кој не успеа да се избори со оваа страшна пандемија. Пред два дена го изгубивме Марјан Ѓерѓев на 26-годишна возраст, денес почина и неговиот брат Горан Ѓерѓев на 21-годишна возраст. Трагедијата е огромна и нема зборови кои можат да дадат утеха на семејството Ѓерѓеви во овие моменти. Заедно со Советот на Општина Кавадарци изразуваме длабоко сочувство до таткото на починатите браќа и нивниот брат и поширокото семејство.
Пандемијата однесе два човечки животи на двајца браќа во период од 3 дена, немоќни сме да се бориме и да дадеме утеха. Уште еднаш изразуваме длабоко сочувство и стоиме на располагање за помош на семејството кое е погодено од огромна трагедија. Да се чуваме сите и што поскоро да ги поминеме овие тешки денови“, напиша Јанчев.
Би можело да ве интересира
Две сообраќајки во Велес, тешко повредено 21-годишно момче
15 годишно момче загина во сообраќајка во скопската населба Марино
Зачука новото срце на 27-годишно момче, успешно е извршена втората трансплантација на срце во земјава
Воз прегази момче кај Велес
Царовска: Со стипендии ќе ги поддржиме стручните профили што ги бара пазарот на труд
Приведено 24-годишно момче кое со „бе-ем-ве“ помина низ плоштадот во Радовиш
Во сообраќајна несреќа загина 25-годишно момче
Повредено 22-годишно момче, со возилото излетало од патот
Кавадарчанец загинал во сообраќајка, брат му и татко му со тешки телесни повреди на клиника во Скопје