Албанските политички партии и натаму се финансираат од криминал, вели комесарот за избори

Албанскиот државен комесар за избори, Илирјан Челибаши, на денешната конференција на тема „Цената на демократијата“ што се одржа во Тирана, рече дека и понатаму како проблем останува „финансирањето на партиите кое потекнува од светот на криминалот или нелегалните бизниси“.

Тој нагласи дека ако политичките партии бидат транспарентни и дејствуваат легално, земјата ќе има општествен напредок.

-Многу значаен е односот на парите и политиката во изборите. Природно се поставува прашањето зошто е толку важен тој однос. Затоа што постои голема загриженост кај граѓаните. Односот помеѓу парите и политиката може да ги натера да имаат поголема надеж во финансиските интереси отколку граѓаните. Вклучувањето на сите фактори е одлучувачко во пристапувањето кон овој проблем, какво е финансирање, како одат парите кај политичарите, како влијаат врз нив, стандардот на демократијата и развојот на земјата,рече тој.

Оцени дека доколку има легитимитет и одговорност, владата ќе биде поодговорна, а општеството ќе има поголем општествен напредок.

-Треба да се следи купувањето и продажбата на гласови, финансирање од надворешни сили, кои ја загрозуваат и

националната безбедност. Финансирањето на партиите е предвидено со посебен член во Уставот. Донациите од бизнисот може да доведат до злоупотреба во политичките финансии,смета Цилибаши.

Посочи дека финансиските извори на партиите јавно се објавуваат а измените во изборниот законик имаа за цел да воспостават појасни правила и попрецизни процедури.

На конференцијата која се одржува на неполни три месеци пред парламентарните избори(25 април) амерканската амбасадорка Јури Ким, порача дека треба да бидат фер и транспарентни, полтичките партии да не ставаат криминалци и корумпирани лица на кандидатските листи а од граѓаните со право на глас побара да не го продаваат својот глас.