ВИДЕО: Критики за Ердоган откако одржа партиски конгрес со 10.000 луѓе во затворена сала

По денешниот конгрес на турската владејачка Партија на правдата и развојот (АКП), на кој едногласно беше реизбран претседателот на партијата и на државата, Реџеп Таип Ердоган, на социјалните мрежи се појавија критики за организацијата на настанот.

Илјадници членови и симпатизери на АКП од цела Турција дојдоа во Анкара, голем дел од нив организирано со автобуси, и ја исполнија спортската арена со 10.400 седишта во турскиот главен град, кршејќи ги со тоа важечките здравствени прописи за заштита од коронавирусот, кои налагаат одржување физичка дистанца меѓу учесниците на вакви собири.

Опозицискиот политичар и пратеник Мурат Емир ги опиша сцените од Анкара како „срамни“ и објави снимки на кои се гледаат симпатизерите на Ердоган како играат и пеат во полн автобус, а дел од нив не носат заштитни маски.

Vaka sayıları artarken #lebaleb kongre yaptığınız için,

Salgınla mücadelede gecesini gündüzüne katan sağlıkçılardan utanın.

Açlığa mahkum ettiğiniz esnaftan utanın.

Eğitimden mahrum kalan milyonlarca öğrenciden, velilerinden utanın.

Ama yine sizin adınıza biz utanıyoruz. pic.twitter.com/E4qnSTU6M1

— Murat Emir (@muratemirchp) March 24, 2021

Дел од корисниците на социјалните мрежи коментираат дека за симпатизерите на владејачката партија не важи задолжителното носење заштитна маска – мерка за чие непочитување обичните турски граѓани се казнуваат со 3.000 лири (околу 320 евра).

Auf dem Weg zum #Parteitag der regierenden #AKP nach #Ankara werden von den Delegierten keine #Corona-Regeln eingehalten!#Tuerkei #Nachrichten #News #Haber #AKParti #akparti7 #akpartikongre #akpkongresi #CHP #HDP #MHP #iyiparti #Merkel #BreakingNews #Sonhaber #Erdogan #Erdoğan pic.twitter.com/SGhHJX0qoe

— Erkan Dinar (@ErkanDinar) March 24, 2021

Ердоган зборуваше околу два часа, а за тоа време често беше прекинуван од возбудените членови на партијата, кои во манир на фудбалски навивачи скандираа кога претседателот ќе го спомнеше нивниот град или делегатот од нивниот регион.

Лидерот рече дека го скратил излагањето за да не ги изложува присутните на можноста да се заразат.

Според високи функционери на АКП, сите 1.340 партиски делегати кои учествувале на конгресот биле тестирани на коронавирусот пред настанот.