пред 3 години 
Германските сојузни покраини известуваат за намален интерес за вакцината против коронавирус произведена од британско-шведската компанија АстраЗенека поради извештаите во медиумите за помала ефикасност на оваа вакцина.
„Многумина го откажаа терминот за вакцинација кога слушнаа дека треба да се вакцинираат со АстраЗенека“, соопшти Министерството за здравство на сојузната покраина Северна Рајна-Вестфалија.
Во градот Минстер, на северот на оваа провинција, 30 проценти од медицинскиот персонал во здравствените установи на градот одбиле да се вакцинираат со оваа вакцина.
Слични вести пристигнуваат од соседна Долна Саксонија.
Министерот за здравство Јенс Шпан денеска рече дека вакцината АстраЗенека е безбедна и ефикасна.
– Веднаш би се вакцинирал со оваа вакцина, рече Шпан. Според него, реакциите на оваа вакцина се поретки отколку со другите вакцини. Тој, исто така, апелираше до сојузните покраини да ги потрошат резервите на вакцините АстраЗенека што е можно поскоро.
Според Централниот епидемиолошки институт Роберт Кох, од испорачаните 736.800 дози од оваа вакцина, потрошени се само 85.000.
До крајот на февруари, АстраЗенека треба да достави во Германија уште еден милион дози од својата вакцина.
Би можело да ве интересира
Скоро две третини од Русите ја одбиваат вакцината „Спутник В“
Четврти ден во Индија црни рекорди, болниците ги одбиваат заразените со Ковид-19
Меркел ги повика Германците да ги почитуваат „тешките“рестрикции
Шведски доктор: Секој ден фрламе стотици дози од „Астразенека“
Цапак: 25 проценти од Хрватите одбиваат секаква вакцинација
Закана од Оксфорд: „АстраЗенека“ поради критиките од ЕУ може да ја зголеми цената на вакцините
Италија: Суспензијата на лекарите кои одбиваат да се вакцинираат е законска
Истражување: Европејците со намалена доверба во вакцината на „Астразенека“
Вакцината на АстраЗенека е безбедна, но не се исклучува поврзаност со тромбозите, вели Европската агенција за лекови