пред 3 години Стотици дози на вакцината од „Астразенека“ против Ковид-19 се фрлаат секој ден во Стокхолм, затоа што жителите одбиваат да се вакцинираат со неа, изјави денеска шведски лекар за телевизијата СВТ.
Јохан Стируд од Медицинското здружение на шведската престолнина рече дека нема доволно доброволци за „Астразенека“, па затоа вакцините мора да се фрлат доколку не се искористат за неколку часа.
Во Шведска, давањето на вакцината од британско-шведскиот производител е ограничена на лица над 65 години, откако во светот беа пријавени ретки случаи на згрутчување на крвта како несакан ефект по земањето на лекот.
СВТ известува дека некои пациенти ги откажуваат закажаните термини кога ќе дознаат дека ќе примат вакцина од „Астразенека“.
Стируд, како и Европската агенција за лекови (ЕМА) и Светската здравствена организација (СЗО), нагласува дека придобивките од оваа вакцина се многу поголеми од ризиците, па ги повика луѓето да се вакцинираат.
Отфрлање на вакцината oд „Астразенека“ е забележано и во Хрватска, која во моментов има најголем број дози токму од оваа вакцина, објавија хрватските медиуми, кои ја пренесуваат изјавата од шведскиот доктор.
Би можело да ве интересира
САД ќе ги донираат сите свои 60 милиони дози од вакцината „АстраЗенека“ низ светот
Закана од Оксфорд: „АстраЗенека“ поради критиките од ЕУ може да ја зголеми цената на вакцините
Вакцината на АстраЗенека е безбедна, но не се исклучува поврзаност со тромбозите, вели Европската агенција за лекови
Шведски фирми преговараат со Русија за производство на „Спутник V“
Во Албанија утре ќе пристигнат 38.400 дози од вакцината на АстраЗенека
Шест земји од ЕУ ја стопираа вакцинацијата со дози од „Астразенека“
Голема викенд акција за вакцинирање во Франција
Главниот шведски епидемиолог: Влегуваме во третиот бран на пандемијата
(Видео) Франција и Германија сега уверуваат дека вакцината на „Астразенека“ е ефикасна