пред 3 години Постојните мерки нема да бидат олеснети, беше одлучено денес на седницата на Кризниот штаб. Состанокот заврши со ставот на медицинскиот дел дека нема да има отворање на трговски центри и кафулиња.
Во иднина српските државјани кои живеат во странство, како и странците, не мора да бидат во карантин, доколку се целосно вакцинирани со вакцини од Србија.
„Сите што ќе бидат целосно вакцинирани, со потврда за вакцинација и потврда од Србија, ќе можат да влезат во Србија без ПЦР-тест и без изолација како што беше досега“, рече покраинскиот секретар за здравство, Зоран Гојковиќ.
Според него, истата состојба е и со странците.
„Ситуацијата е иста и со странците ако се целосно вакцинирани со вакцини од Република Србија, односно со две дози на ‘Фајзер’, две дози на ‘спутник В’, две дози вакцина на ‘Синофарм’. Се подразбира дека и една доза на ‘Астразенека’ е еднаква со овие три вакцини“, рече Гојковиќ.
На денешната седница беа донесени нови мерки кои влијаат на работата на училиштата. Имено, учениците ќе можат да доаѓаат на училиште во помали групи, да ги подобруваат своите оценки и да се оценуваат.
Сите мерки што важеа досега остануваат до ново известување, што значи дека трговските центри и угостителските објекти се затворени и оваа недела.
Би можело да ве интересира
Нови правила за влез во Германија, се укинува карантинот за вакцинираните
Вакцинираните во Германија од недела ослободени од многу мерки
Германија неделава воведува голем број олеснувања за вакцинираните
Вархеји од Србија ја почна балканската турнеја со вакцините, за Македонија овој пат 4.680 дози
Фајзер, Спутник или Синофарм – истражување во Србија покажува која од вакцините заштитува најбрзо
Слободен влез во Словенија и за вакцинираните со Спутник В и Џонсон и Џонсон
Задолжителен седумдневен карантин и ПЦР-тест за влез о Грција
Брнабиќ: Нема потреба од „ПЦР-тест“ по враќањето од околните земји
Грција ги отвара своите граници за Србите со потврда за вакцинација или негативен ПЦР тест