Околу 200 луѓе сослушани во врска со труењето на Навални

Руското Министерство за внатрешни работи за Сибирскиот округ објави дека полицијата испрашала околу 200 лица во врска со случајот со Алексеј Навални. Додадено е дека вработените во Фондот за борба против корупција повторно се сослушуваат. Како што е наведено, соработниците од сообраќајната полиција спровеле широк спектар на истражни дејствија, а на распит биле и граѓаните кои биле во контакт со Навални или биле сведоци на неговиот престој во Томск и Томската област, како и некои од патниците кои летале во истиот авион со него, јавува ТАСС. На 20 август на Навални му се слошило на летот од Томск кон Москва, а авионот во кој се наоѓал итно слетал во Омск. Навални бил пренесен во болница, каде паднал во кома, а неговите приврзаници тврдат дека тој бил отруен со нешто што му било истурено во чајот на аеродромот. Лекарите од болницата во Омск тогаш објавија дека неговата здравствена состојба е стабилна и дека според резултатите од испитувањето не се пронајдени знаци на труење. На барање на семејството, Навални беше префрлен во болница во Берлин на 22 август. На 2 септември германската влада, повикувајќи се на лабораторијата во Бундесверот, објави дека Навални е отруен со супстанца од групата хемиски воени отрови „Новичок“. Москва го отфрла тоа. извор: Makfax

Извор: vecer.mk